Почему нельзя клясться
одна фраза Христа, отменившая традицию
Чем душа
отличается от духа
2 явления или 1?
Целомудрие
Зачем женщины
обещают это Богу
 

Икона Божией Матери Целительница. Как Божия Матерь исцелила больного клирика

09.07.2019
549
Скачать эту статью

Икона Божией Матери Целительница — одна из древнейших икон Богоматери, явление которой произошло еще во времена святой Нины, просветительницы Грузии. Празднование иконы совершается 1 октября.

Отрывок из акафиста в честь иконы Божией Матери Целительница:

«…Свет небесный озари храмину болящаго клирика, егда предстала еси, Преблагая Владычице, даровати ему исцеление от лютаго недуга. О, Пресвятая Госпоже Богородице, просвети помраченныя многими грехми души наша и подаждь исцеление болезнующим телесем нашим…».

Чудотворная икона Божией Матери Целительница
Чудотворная икона Божией Матери Целительница

Сюжетом для иконы Божией Матери Целительница послужило чудесное исцеление

Чудотворная икона Богоматери находилась в Цилканском храме в Карталинии. На иконе изображена Божия Матерь, которая стоит у постели больного клирика.

Сюжетом для иконографии этого образа послужило предание о том, как произошло чудесное исцеление. Это исцеление было описано в сочинении святителя Дмитрия Ростовского.

Димитрий Ростовский в своем сочинении рассказывал о больном клирике, который был исцелен самой Богоматерью
Димитрий Ростовский в своем сочинении рассказывал о больном клирике, который был исцелен самой Богоматерью

В его сочинении описывается, как один больной клирик тяжело болел. Он болел такой болезнью, после которой умирают. Никто не мог ему помочь. У больного клирика был один час, когда били часы, и нужно было воздавать хвалу Владычице Богородице приветствием «Радуйся, Благодатная!». Он прилагал к этому молитву. Молился он и днем и ночью. Даже если он засыпал, он просыпался от боя часов, а затем совершал моление.

Когда он уже собирался умирать, и близилось его время к концу, к нему явилась Дева Мария. Далее мы видим такие слова: «…чуть приоткрыв девический Свой сосок и стиснув его, окропляет млеком уста болящего и становится невидима. От сего случившегося вскочил больной, быстро облекся в клирические свои ризы и побежал в церковь…».

Божия Матерь исцеляет больного клирика, который молился Ей каждый день в одно и  то же время
Божия Матерь исцеляет больного клирика, который молился Ей каждый день в одно и  то же время

Когда он зашел в свой церковный хор, все были сильно удивлены тому, что он жив. Никто уже и не думал увидеть его живым. Когда у него спросили, как он остался жив, тот стал прославлять чудеса Пресвятой Богородицы. Именно так Матерь Божия спасла его от смерти.

В России к концу 18 века прославился один из списков святого лика Богоматери

К Божией Матери стали обращаться за помощью еще очень давно. В России в конце 18 века прославился один из списков святого лика Богоматери под названием Целительница. Тогда святую икону хранили в Московском Алексеевском женском монастыре.

В книге Токмакова было описание иконы Божией Матери Целительница:

«…Размером она небольшая: в вышину семь, а в ширину шесть вершков; помещена в серебряно-вызолоченный складень с эмалевыми украшениями. На створах складня находятся изображения: на левом – Архангела Михаила, на правом – Архангела Гавриила, как бы поддерживающих икону. Риза украшена множеством бриллиантов и других драгоценных камней; одежда на Богоматери сплошь низана жемчугом. Ценность украшений доходит до четырех тысяч руб…».

Также писалось о том, что данная икона Царицы Небесной находится в Крестовоздвиженской церкви. Складень с иконой был вставлен в каменный столб, который поддерживал свод собора. Перед этим образом был сделан особый помост, которой имел с двух сторон небольшие каменные ступени. Пред иконой находится подсвечник с 9 лампадками.

В Москве, в Сокольниках есть исцеляющая икона Божией Матери

Также в путеводителе «Москва Златоглавая» указывается, что в 1930 году монастырь, где находился образ Пречистой Девы, упразднили. Затем исцеляющая икона была перенесена в храм Воскресения Христова, который находится в Москве, в Сокольниках.

Храм Воскресения Христова в Сокольниках. Именно здесь хранится один из списков чудотворной иконы Богоматери Целительница
Храм Воскресения Христова в Сокольниках. Именно здесь хранится один из списков чудотворной иконы Богоматери Целительница

Также стоит сказать о том, что на некоторых списках чудотворного образа в нижней части иконы, есть рассказ, который был изложен в сочинении святителя Дмитрия.

Во имя иконы Целительница освещали многие храмы при больницах, где люди могут помолиться Божией Матери об исцелении души своей и тела. Порой у больного человека не остается шансов на спасение, и тогда он обращается в Высшим Силам. Чудеса исцеления также происходят, и по сей день.

Икона Целительница Божией Матери, на котором виден текст, который похож на рассказ из сочинения Димитрия Ростовского
Икона Целительница Божией Матери, на котором виден текст, который похож на рассказ из сочинения Димитрия Ростовского

Икона Божией Матери Целительница помогает в успокоении силы духа

В чем помогает икона? О чем нужно молиться перед святым образом? Божией Матери Целительница молятся:

  • об исцелении души от страданий;
  • об успокоении силы духа;
  • о защите от несчастий и бед;
  • от внезапной скорби;
  • от освобождения верующего человека от заключения;
  • о защите человека от осуждения;
  • о помощи в успешных родах;
  • об исцелении от самых разных страшных болезней.

Перед иконой Божией Матери Целительница читается молитва

Также перед иконой Божией Матери Целительница читается молитва. Читать молитву можно в любое время. Вы можете обратиться к Богоматери и своими словами. Самое главное, чтобы ваши обращения были искренними, это очень важно в православной вере. Но только искренние молитвы будут услышаны.

Молитва:

Приими, о Всеблагословенная и Всемощная Госпоже Владычице Богородице Дево, сия молитвы, со слезами Тебе приносимыя от нас, недостойных раб Твоих, ко Твоему цельбоносному образу пение возсылающих со умилением, яко Тебе Самой зде сущей и внемлющей молению нашему.

По коемуждо бо прошению исполнение твориши, скорби облегчаеши, немощным здравие даруеши, разслабленныя и недужныя исцеляеши, от бесных бесы прогоняеши, обидимыя от бед избавлявши, прокаженныя очищаеши и малыя дети милуеши:

еще же, Госпоже Владычице Богородице, от уз и темниц свобождаеши и всякия многоразличныя страсти врачуеши: вся бо суть возможна ходатайством Твоим к Сыну Твоему, Христу Богу нашему.

О Всепетая Мати, Пресвятая Богородице!

Не престай молитися о нас, недостойных рабех Твоих, славящих Тя и почитающих Тя, и поклоняющихся со умилением Пречистому образу Твоему, и надежду имущих невозвратну и веру несумненну к Тебе, Приснодеве Преславней и Непорочней, ныне и присно и во веки веков. Аминь.

Божией Матери Целительница написан акафист

Также Божией Матери Целительница написан акафист, который можно читать дома перед иконой.

Акафист:

Кондак 1

Избранней от всех родов Пресвятей Деве Богородице, явившейся некогда клирику болящу, во еже исцелити его от болезни лютыя, похвальное приносим пение. Ты же, Всемилостивая Владычице, яко имущая державу непобедимую, от всяких бед и скорбей, и болезней свободи ны, зовущия Ти:

Радуйся, Благодатная Целительнице душ и телес наших.

Икос 1

Архангел Гавриил, возвещая Пресвятей Деве Марии безсеменное зачатие от Нея Сына Божия, рече: «Радуйся, Благодатная, Господь с Тобою, благословенна Ты в женах»; мы же, грешнии, гласу Архангела подражати дерзающе, с верою, любовию и благоговением вопием пения сицевая:

Радуйся, от начала веков во главу нашего спасения предызбранная; радуйся, многообразне от пророков предвозвещенная.

Радуйся, Невесто Неневестная, заченшая Сына от Духа Святаго; радуйся, Мати, в рождестве и по рождестве пребывшая Дева.

Радуйся, Одеющагося светом, яко ризою, пеленами повившая; радуйся, млеком питавшая горняя и дольняя благодатию Своею Питающаго.

Радуйся, на руку Твоею носившая Вседержителя; радуйся, о Промыслителе всея твари попечение имевшая.

Радуйся, паче всех Сына Твоего возлюбившая; радуйся, паче всех от Него превознесенная.

Радуйся, честнейшая и славнейшая без сравнения всех Небесных Сил; радуйся, превышшая всякаго создания.

Радуйся, Благодатная Целительнице душ и телес наших.

Кондак 2

Видящи, Пресвятая Владычице, усердие и благоговение клирика Викентия, на всяк день преклоняющаго колена пред честным Твоим образом и архангельское приветствие Тебе приносящаго, прияла еси таковое его благоугождение и даровала еси ему во дни болезни внезапное и дивное со одра востание.

Темже и мы преклоняем колена душ и телес наших пред цельбоносным Твоим образом, Госпоже наша Богородице, и, поминающе чудное явление Твое клирику болящему, вопием Сыну Твоему и Богу нашему: Аллилуиа.

Икос 2

Разумев чудесное исцеление от тяжкаго недуга, клирик Викентий воста с убогаго ложа своего, иде в церковь и тамо песньми хвалебными прослави Тя, Целительницу всех болящих. Приими убо и от нас, Мати Божия, сия благохваления:

Радуйся, от врат смертных неисцельно болящих к жизни возвращающая; радуйся, сострадания к страждущим преисполненная.

Радуйся, пораженных различными недуги чудесно исцеляющая; радуйся, во всяких скорбех и печалех небесную отраду в сердца наша изливающая.

Радуйся, в христианских добродетелех преуспети нам помогающая; радуйся, любовию к Богу и ближним нас воодушевляющая.

Радуйся, от растлевающих душу и тело соблазнов мира сего сохраняющая; радуйся, скорая услышательнице усердно Тебе молящихся.

Радуйся, источающая великия милости и щедроты любящим Тя; радуйся, уповающим на Тя вся потребная в животе сем дарующая.

Радуйся, ублажающих Тя в грозный час смерти не оставляющая; радуйся, почитающих Тя жизни вечныя сподобляющая.

Радуйся, Благодатная Целительнице душ и телес наших.

Кондак 3

Силою, данною от Тебе, Госпоже Царице и Владычице, святая икона Твоя источает неоскудно исцеления страждущим от недуг многоразличных, с несумненною верою к ней притекающим, Богу же вопиющим: Аллилуиа.

Икос 3

Имущи премногую любовь к роду христианскому и Матернее о нем попечение, всем просящим у Тебе помощи и заступления всякое благое прошение скоро исполняеши; сего ради Тебе, всемощней Заступнице и скорой Помощнице нашей, приносим похвалы сия:

Радуйся, скорбящих утешение; радуйся, безнадежных надеждо.

Радуйся, труждающихся помощь и укрепление; радуйся, нищих одеяние.

Радуйся, алчущих питательнице; радуйся, обидимых и гонимых заступнице.

Радуйся, обидящих устрашительнице; радуйся, в христианской вере наставнице.

Радуйся, взыскание погибших; радуйся, споручнице спасения грешных.

Радуйся, Благодатная Целительнице душ и телес наших.

Кондак 4

Бури страстей и похотей, и искушений бесовских избави нас, Премилосердная Богородице, укрепи и сохрани в нас до конца жизни нашея веру православную и преданность Святей Церкви, да возможем невозбранно пети Господу Богу: Аллилуиа.

Икос 4

Слыша Господь на небеси Твоя о нас моления, Преблагая Владычице, исполняет скоро всякое прошение Твое. Ведуще таковое Матернее дерзновение к Сыну Твоему, Господу нашему Иисусу Христу, вси к Тебе прибегаем и усердно молим Тя:

предстательствуй о нас, многогрешных рабех Твоих, пред Всемогущим Создателем нашим, да не погубит нас со беззаконьми нашими, но да подаст нам оставление прегрешений, вопиющим Тебе из глубины души:

Радуйся, предстательнице наша пред Богом, мир от бед спасающая; радуйся, Сына Твоего на милость к нам недостойным преклоняющая.

Радуйся, от запаления огненнаго росою молитв Твоих избавляющая; радуйся, удары молнии и грома от главы нашея отводящая.

Радуйся, юродивую мудрость века сего посрамляющая; радуйся, путь спасения заблудшим показующая.

Радуйся, грешным к Богу дерзновение дарующая; радуйся, изнемогающим в напастех, скорбех и искушениих скоро помогающая.

Радуйся, в посте, молитве и богомыслии пребывающим присно спребывающая; радуйся, блага земная, суетная и скоропреходящая презирати нас научающая.

Радуйся, к небесным и вечным сокровищем умы и сердца наша возводяща; радуйся, единое на потребу избирати научающая.

Радуйся, Благодатная Целительнице душ и телес наших.

Кондак 5

Свет небесный озари храмину болящаго клирика, егда предстала еси, Преблагая Владычице, даровати ему исцеление от лютаго недуга. О, Пресвятая Госпоже Богородице, просвети помраченныя многими грехми души наша и подаждь исцеление болезнующим телесем нашим, да, прославляя Твоя милости, вопием радостно Богу: Аллилуиа.

Икос 5

Видяще Тя, Владычицу Богородицу, пред огнезрачным Престолом Троицы стоящу и за христиан молящуюся, небесныя силы и вси святии от века Богу угодившии немолчными славословиями ублажают Тя. Мы же, грешнии, на земли, любовию к Тебе подвизаемии, дерзаем воспевати Тебе сице:

Радуйся, Матернею любовию весь мир христианский объемлющая; радуйся, молитвами Твоими к Сыну Твоему и Богу нас спасающая.

Радуйся, изрядная споборнице ведущим брань противу искушений мирских и душевредных; радуйся, наставнице целомудрия и воздержания.

Радуйся, всех, прибегающих под кров Твой, приемлющая; радуйся, от всякия злобы и вражды миром и любовию ограждающая.

Радуйся, подвижников благочестия к горнему Иерусалиму путеводительнице; радуйся, душепагубных ересей и расколов искоренительнице.

Радуйся, скорая в бедах и печалех Утешительнице; радуйся, всех верных благая Заступнице.

Радуйся, Благодатная Целительнице душ и телес наших.

Кондак 6

Проповедует Святая Православная Церковь множество чудес Твоих и великия Твоя милости, Преблагая Владычице, яко грады и веси ограждаеши, обители иноческия и жилища благочестивых рабов защищаеши, обидимых заступаеши и вся благая и душеполезная низпосылаеши всем прославляющим Тя и поющим Сыну Твоему: Аллилуиа.

Икос 6

Светло красуется зде, Госпоже Богородице, чудотворная Твоя икона, именуемая Целительница, прогоняющи от всех верных тьму искушений и напастей и обильно исцеления источающи. Сего ради во умилении зовем Ти:

Радуйся, от неисцельных болезней скорое исцеление подающая; радуйся, от всяких бед и скорбей избавляющая.

Радуйся, греховныя страсти укрощающая; радуйся, колеблющихся в вере православней укрепляющая.

Радуйся, утешение благодатное в сердца боголюбивыя изливающая; радуйся, надеждою небесных благ верных души услаждающая.

Радуйся, в добрых делех преуспевати нам помогающая; радуйся, от видимых и невидимых враг нас защищающая.

Радуйся, благодатию Твоею падших возставляющая; радуйся, страх Божий в сердца наша вселяющая.

Радуйся, Благодатная Целительнице душ и телес наших.

Кондак 7

Хотящи явити милосердие Твое неизреченное, даровала еси нам, преблагая Богородице Дево, чудотворную икону Твою, именуемую Целительница, да вси, притекающии к ней с верою, от болезней свобождаются и всякаго утешения сподобляются. Сего ради вопием о Тебе Богу: Аллилуиа.

Икос 7

Дивна и преславна дела Твоя, Пренепорочная Владычице: всем бо, богатым и нищим, здравым и болящим, с прилежною молитвою к цельбоносносней иконое Твоей притекающим, вся благая по коегождо потребе и в меру веры и любве подаеши. Темже и мы не таим Твоих благодеяний, но, благодарственно прославляюще милости Твоя, глаголем Ти сице:

Радуйся, глухих слышание; радуйся, слепых прозрение.

Радуйся, немых глаголание; радуйся, хромых хождение.

Радуйся, прокаженных очищение; радуйся, разслабленных укрепление.

Радуйся, от злых и лукавых духов свобождение; радуйся, по Бозе наше прибежище и заступление.

Радуйся, от нужд, печалей и бед непреложное избавление; радуйся, пристрастие к тленному богатству искореняющая.

Радуйся, искати богатство нетленное на небеси научающая; радуйся, ум нам в горняя вперяющая

Радуйся, Благодатная Целительнице душ и телес наших.

Кондак 8

Странни и пришельцы в мире сем скорбнем и многомятежнем суще, вечнаго Небеснаго Отечества взыскуем и Тебе, всемощную Царицу Приснодеву Богородицу, смиренно просим: путеводствуй нас по стезям спасительных заповедей Сына Твоего, Христа Бога нашего, да, избегше сетей невидимаго врага, возможем невозбранно воспевати Вседержителю Богу песнь: Аллилуиа.

Икос 8

Весь мир христианский ублажает Тя, Пренепорочную Деву, гласы хвалебными: всем бо верным, наипаче же болящим, утешительно есть взирати на всечестную икону Твою, Целительницей именуемую. О, Пречудная Госпоже Богородице, приими и наша умиленная благохваления таковая:

Радуйся, Радосте наша; радуйся, доброто несказанная.

Радуйся, высото добродетелей; радуйся, глубино смиренномудрия.

Радуйся, неистощимый источниче милостей и щедрот; радуйся, благоуханный Цвете девства и чистоты.

Радуйся, веры христианския утверждение; радуйся, нечестия обличение.

Радуйся, горних сил похвало; радуйся, всех праведных славо.

Радуйся, всех грешных упование; радуйся, ненадеемых надеяние.

Радуйся, Благодатная Целительнице душ и телес наших.

Кондак 9

Все упование на Тя возлагаем, Мати Божия, и в скорбех и болезнех ко святей иконе Твоей с благоговением и верою притекаем, чающе от нея скорое утешение и исцеление получити.

О, Пресвятая Царице Богородице, воззри милостиво на нас, смиренных рабов Твоих, и ускори исполнити вся, яже на пользу нам, и в сей жизни и в будущей, да, прославляя Твое благоутробие, воспеваем Творцу Богу: Аллилуиа.

Икос 9

Витии многовещаннии не возмогут достойно восхвалити Тя, Пречистую Деву, честнейшую херувим и славнейшую без сравнения серафим, безсеменно рождшую Спаса душ наших. Мы же, аще и немощни есмы, обаче, любовию к Тебе побеждаеми, отверзаем недостойная уста своя на похвалы Тебе сицевыя:

Радуйся, умы человеческими и ангелькими непостижимая тайно; радуйся, чистотою Ангелов превозшедшая.

Радуйся, чудес Христовых начало; радуйся, всех пророчеств исполнение.

Радуйся, девство и рождество в себе чудно сочетавшая; радуйся, в обою непорочно и свято Себе сохраньшая.

Радуйся, Мати Сына Божия и Бога Вышняго; радуйся, падшему человечеству отверзшая вход в царствие горнее.

Радуйся, тихое пристанище от бурь плавающим по морю житейскому; радуйся, Богом дарованная отрадо страждущим.

Радуйся, сияющая благодатию и славою предивных знамений и чудес; радуйся, приемлющая похваление людских словес.

Радуйся, Благодатная Целительнице душ и телес наших.

Кондак 10

Спасти хотя род человеческий от беззаконий и вечныя муки человеколюбец Господь, Тя, Матерь Свою, дарова в помощь, покров и защиту верующим в Него. Прославляюще таковое Создателя нашего безмерное милосердие о нас, грешных, благодарственным сердцем и устны вопием Ему: Аллилуиа.

Икос 10

Стена еси необоримая и заступление крепкое, Богородице Дево, всем с молитвою к Тебе прибегающим. Темже убо и нас, недостойных, огради от лютых болезней и от всякаго злаго обстояния и подаждь во всех делех благовременную помощь и укрепление взывающим Ти:

Радуйся, Заступнице наша и похвало; радуйся, Хранительнице наша и утверждение.

Радуйся, Отрадо наша и дивное о нас попечение; радуйся, известное прибежище наше во всех скорбных обстояниих.

Радуйся, младенцев воспитание; радуйся, юных наставнице целомудрия.

Радуйся, супругом любовь и согласие дарующая; радуйся, благоговейных старцев к мирной кончине жития приводящая.

Радуйся, верных пастырей Святыя Церкве укрепляющая и вразумляющая; радуйся, в иноческом образе подвизающимся ходатаице вечнаго радования.

Радуйся, в мире благочестиво живущих не оставляющая Своим заступлением; радуйся, всем христианом предивное вспоможение.

Радуйся, Благодатная Целительнице душ и телес наших.

Кондак 11

Пения и мольбы всеумиленныя, ныне нами приносимыя пред цельбоносным Твоим образом, приими, Приснодево Богородице, и сподоби до конца жизни нашея Единому Богу воспевати: Аллилуиа.

Икос 11

Светозарне сияет чудотворная икона Твоя, Мати Божия, источающи верным токи исцелений благодатных и наставляющи блуждающих во тьме грехов на светлый путь добродетелей и спасения. Сего ради вопием Ти хвалебныя песни таковыя:

Радуйся, осенением Твоея иконы силу вражию от всех прогоняющая; радуйся, всем прибегающим в скорбех, нуждах и болезнех скорое утешение и исцеление подавающая.

Радуйся, чудо чудес, Одигитрие Владычице, на путь спасения наставляющая; радуйся, мирное устроение обуреваемым напастьми дарующая.

Радуйся, чистотою Твоею чистому житию нас научающая; радуйся, лукавых, гордых и гневливых людей вразумляющая.

Радуйся, правую веру и страх Божий в нас вселяющая; радуйся, светом Христова учения тьму неверия прогоняющая.

Радуйся, смущения помышлений сумнительных удаляющая; радуйся, всех духовных даров щедрая подательнице.

Радуйся, благочестия наставнице; радуйся, мира ходатаице.

Радуйся, Благодатная Целительнице душ и телес наших.

Кондак 12

Благодатию и щедротами Твоими, Премилосердная Владычице, не оставляеши христиан православных, дарующи скорбящим утешение, обидимым заступление, болящим исцеление и всем сущим в бедах многоразличных избавление; сего ради, прославляюще Тя, благодарственно вопием Богу: Аллилуиа.

Икос 12

Поюще Твоя неизреченныя милости и чудеса, являемая нам недостойным, преклоняем колена пред цельбоносным Твоим образом, Богородице Приснодево, и молим Тя усердно:

подаждь нам мир, тишину и благую христианскую кончину и не остави без Твоея помощи и заступления во втором пришествии Сына Твоего и Бога нашего всех приносящих Ти со умилением сия похвалы:

Радуйся, в уныние и отчаяние впадших надеждою спасения укрепляющая; радуйся, узы греховныя разрешающая.

Радуйся, праведный на нас гнев Божий на милость прелагающая; радуйся, земное житие наше добре устрояющая.

Радуйся, от опасных обстояний нас избавляющая; радуйся, в час кончины всем скорая Помощнице.

Радуйся, чтущих Тя на мытарствах воздушных заступающая; радуйся, любовь к Тебе имущим врата райская отверзающая.

Радуйся, прославляющих Тя вечнаго блаженства в Царствии Небеснем сподобляющая; радуйся, не чтущих Тя пред всеми посрамляющая.

Радуйся, державная Скоропомощнице наша во дни тяжких испытаний; радуйся, яко во дни светлыя нам сорадуюешися.

Радуйся, Благодатная Целительнице душ и телес наших.

Кондак 13

О, Всепетая Мати сладчайшаго Господа нашего Иисуса Христа, милостивно приими сие малое моление наше, избави нас от всякия напасти, болезни и внезапныя смерти и сподоби нас наследниками быти Царствия Небеснаго и со всеми святыми воспевати Сыну Твоему и Богу нашему: Аллилуиа.

Этот кондак читается трижды, затем 1-й икос: «Архангел Гавриил…» и 1-й кондак: «Избранней от всех родов…».

Оставляя комментарий, Вы принимаете пользовательское соглашение

Оставить комментарий

Ваш email адрес не будет опубликован. Заполните поля, которые помечены *